Hague te Jahjaga: Harta e Evropës Juglindore është përmbyllur
Artikujt tjerė
- Sot vendoset fati i koalicionit PDK-KKR?
- Kadri Veseli synon majat e PDK-së
- Ministria paguan 10.000 € për reklamimin e projekteve rrugore
- Pacolli i paprekshëm
- Kosova e pret Ashtonin për të ndërtuar platformën
- Clinton viziton Algjerinë dhe Ballkanin
- Administrata shpenzoi dukshëm më shumë se më 2011
- Bajram Rexhepi: “Vetëvendosjes” nuk i besohet
- Hague te Jahjaga: Harta e Evropës Juglindore është përmbyllur
- Universiteti i Vjenës i hapur për studentë nga Kosova
Prishtinë, 24 tetor - Presidentja Atifete Jahjaga priti sekretarin e Punëve të Jashtme të Britanisë së Madhe, William Hague, i cili shoqërohej edhe nga ambasadori britanik në Kosovë, Ian Cliff.
Jahjaga dhe sekretari Hague biseduan për zhvillimet aktuale në Kosovë, proceset demokratike nëpër të cilat po kalon vendi, konsolidimin ndërkombëtar të Kosovës,0 si dhe për angazhimin e Britanisë së Madhe në rajonin e Ballkanit, me theks të veçantë në Kosovë.
Sipas komunikatës zyrtare, presidentja Jahjaga vlerësoi se Britania e Madhe është pjesë e pandashme e historisë së Kosovës.
Duke vlerësuar se Plani Ahtisaari është mënyra më e mirë për integrimin e komunitetit serb, presidentja e vendit tha se ky plan ka dhënë rezultate në pjesën më të madhe të territorit të Republikës së Kosovës dhe ai garanton integritetin territorial dhe sovranitetin e vendit.
Po tjerash, Jahjaga tha se strukturat ilegale dhe kriminale në tri komunat në veri të Kosovës vazhdojnë të jenë pengesë e zhvillimit dhe theksoi se Serbia duhet të ndërpresë përkrahjen për to dhe t’i shpërbëjë ato.
Sekretari Hague theksoi se Britania është një mike dhe partnere e Kosovës dhe ajo do të vazhdojë ta ndihmojë në konsolidimin e shtetësisë së saj. Ai vlerësoi raportin e Studimit të Fizibilitetit për Kosovën dhe theksoi mbështetjen e Britanisë për hapjen e dialogut për Marrëveshjen e Stabilizim Asociimit. Sekretari Hague theksoi domosdoshmërinë e vazhdimit të reformave në vend e posaçërisht të reformës kushtetuese dhe asaj zgjedhore si dhe vendosjen e sundimit te rendit dhe të ligjit, duke thelluar luftën kundër korrupsionit dhe krimit të organizuar.
Sekretari i jashtëm britanik tha se procesi i zgjerimit të BE me të gjitha vendet e rajonit të Ballkanit, e në këtë mes edhe të Kosovës, është i një rëndësie të madhe për gjithë Evropën, duke theksuar se harta e Evropës Juglindore tashmë është përmbyllur.
Historiani25.10.2012/02:34
Londra fliste per mosndryshimin e kufijve edhe ne vitin 1990, kur nisi shpartallimi i ish Jugosllavise. Atehere kryeministri britanik D. H. do te deklaronte se harta e Europes eshte e perfunduar. Por koha e pergenjeshtroi dhe linden 16 shtete te reja Lituania, Letonia, Estonia, Sllovakia, Çekia, Kroacia, Sllovenia, Bosnje e Hercegovina, Mali i Zi, Maqedonia, Serbia, Kosova, Rusia, Ukraina, Bellorusia, Moldavia. Rrjedhimisht, procesi nuk ka perfunduar...