Kryesia e PDK-së, mbështetje unanime Thaçit

Prishtinë, 22 tetor - (E plotësuar) – Në orët e mbrëmjes, Zyra e informimit e PDK-së njoftoi se kryeministri dhe kryetari i PDK-së, ka njoftuar sot edhe anëtarët e kryesisë partiake për takimet e tij në Bruksel. Sipas njoftimit, Thaçi ka thënë se “takimet ishin në kuadër të Kushtetutës së Republikës dhe Rezolutës së Kuvendit të Republikës se Kosovës, kurse pas diskutimeve të të gjithë anëtarëve të kryesisë, kryeministrit Thaçi iu dha mbështetje  unanime për fillimin e procesit të normalizimit të marrëdhënieve në mes shtetit të Kosovës dhe atij të Serbisë, të filluar në Bruksel e të udhëhequr nga BE dhe të mbështetur fuqishëm nga Shtetet e Bashkuara të Amerikës”, thuhet në njoftimin partiak.

Zyra e Informimit e PDK-së Prishtinë, 22 tetor (E plotësuar) - Pas takimit me presidenten e vendit, Atifete Jahjaga dhe me nënkryetarin e AAK-së Blerim Shala, kryeministri Hashim Thaçi takoi të hënën edhe kreun e LDK-së, Isa Mustafa. Sipas komunikatës nga Kryeministria, me këtë rast Thaçi njoftoi Mustafën lidhur me takimin e mbajtur në Bruksel. “Ishte konstatim i përbashkët që të vazhdohet me procesin e normalizimit të marrëdhënieve në mes të shtetit të Kosovës dhe Serbisë, me qëllim të krijimit të raporteve ndërshtetërore, të stabilitetit rajonal dhe perspektivës evropiane”, thuhet në njoftim. 
 
Prishtinë, 22 tetor - 16:16 (E plotësuar) - Siç edhe ishte paralajmëruar, pas takimit me presidenten Jahjaga, kryeministri i Republikës së Kosovës, Hashim Thaçi, është takuar sot edhe me nënkryetarin e AAK-së, Blerim Shala.
Temë diskutimi ishte takimi i kryeministrit Thaçi me përfaqësuesen e lartë të Bashkimit Evropian, baroneshën Catherine Ashton dhe me kryeministrin e Serbisë, Ivica Dacic.
“Kryeministri Thaçi e informoi nënkryetarin e AAK-së, Shala rreth takimit. Ishte konkludim i përbashkët që të vazhdohet me procesin e normalizimit të marrëdhënieve në mes të shtetit të Kosovës dhe Serbisë, që do të kontribuonte në krijimin e raporteve ndërshtetërore dhe të stabilitetit rajonal dhe perspektivës Evropiane”, thuhet në kumtesën e Kryeministrisë.

Prishtinë, 22 tetor  -  12:00 - (E plotësuar) Presidentja e Republikës së Kosovës, zonja Atifete Jahjaga priti sot kryeministrin e  Republikës së Kosovës, Hashim Thaçi, të shoqëruar nga zëvendëskryeministri dhe ministri i Drejtësisë, Hajredin Kuçi, dhe nga ministri i Punëve të Jashtme, Enver Hoxhaj, njofton Presidenca përmes një komunikate për medie.
Kryeministri Thaçi e njoftoi presidenten Jahjaga për takimin e zhvilluar në Bruksel me kryeministrin e Republikës së Serbisë, zotëri Ivica Daçiq, në kuadër të procesit të dialogut ndërmjet Republikës së Kosovës dhe Republikës së Serbisë, të ndërmjetësuar nga Bashkimi Evropian, me përkrahje të fuqishme të Shteteve të Bashkuara të Amerikës.
Ai e vlerësoi takimin si konstruktiv, të zhvilluar ndërmjet të barabartëve, që ndihmon në normalizimin e marrëdhënieve ndërmjet dy shteteve në kuadër të ndërtimit të politikave të fqinjësisë së mirë, kusht ky për integrimin e shteteve në Bashkimin Evropian. Kryeministri theksoi se vazhdimi i dialogut dhe zbatimi i plotë i të gjitha marrëveshjeve është në funksion të paqes, stabilitetit dhe bashkëpunimit rajonal.
Presidentja e Republikës së Kosovës i dha mbështetje kryeministrit dhe Qeverisë së Republikës së Kosovës në procesin e dialogut dhe arritjes së konsensusit institucional dhe kombëtar, duke e konsideruar dialogun jo vetëm si rrugën më të mirë, por si alternativën e vetme për normalizimin e marrëdhënieve ndërmjet Kosovës dhe Serbisë si dy shtete sovrane dhe si fqinjë që kemi pasur një të kaluar të hidhur.

Vazhdimi i procesit të dialogut, theksoi Presidentja Jahjaga, lehtëson jetën e qytetarëve të të dyja shteteve dhe është kontribut për paqen e stabilitetin dhe për suksesin e rrugës evropiane në të cilën dy shtetet e pavarura e sovrane, Kosova dhe Serbia, shkojnë duke i ndihmuar dhe jo duke e penguar njëra-tjetrën.

Komente (19)Shpërndaje artikullin

• 22:14Rita: Mamasë nuk i pëlqen si dal në skenë
• 22:05Gattuso nis aventurën si trajner i Palermos
• 21:56Capello refuzon PSG-në, Real Madridi pa Ancelottin
• 21:44Bild: Ja 10 sportistët më të mirë të të gjitha kohërave
• 21:35“Miqtë e Sirisë” mblidhen të shtunën në Doha
• 21:25Monaco bën gati edhe 60 milionë euro për dyshen Boateng - El Sharawi
• 21:07Daçiq: Takimi i nesërm në Bruksel, kyç
• 20:52Hiqen nga tregu produkte qumështi me Escherichia coli (Video)
• 20:42Sami Hamiti dhe bashkëshortja s’përputhen për pasurinë (Video)
• 20:39Fushata e OVL UÇK, fushatë kundër Gjermanisë dhe Britanisë (Video)