PDK me rezolutë për normalizimin e marrëdhënieve me Serbinë

Prishtinë, 15 tetor - Partia Demokratike e Kosovës ka prezantuar një rezolutë të re për bisedimet me Serbinë, njofton KTV-ja. Rezoluta në parim ka marrë përkrahjen e AAK-së dhe LDK-së.

Rezoluta pritet të votohet këtë të enjte dhe parasheh një proces normalizimi të raporteve me Serbinë, duke zgjidhur të gjitha çështjet kontestuese midis dy shteteve sovrane.

Nënkryetari i LDK-së Lutfi Haziri ka thënë se e ka përkrahur këtë ide, ngase pikërisht çështja e bisedimeve dhe marrëdhëniet më Serbinë duhet të diskutohen në Kuvend. Sipas tij, rezoluta, e cila u është dorëzuar anëtarëve të Kryesisë nuk saktëson asgjë se çka do të bisedohet me Serbinë, por vetëm thuhet për relaksimin e marrëdhënieve mes dy vendeve. Megjithatë Haziri ka bërë me dije se LDK-ja do të ulet dhe të bisedojë se çfarë qëndrimi do të marrë lidhur me këtë çështje, ngase nuk mund të lejojnë që me Serbinë të bisedohet për çështje të brendshme.

Në anën tjetër  Vetëvendosje është shprehur kundër kësaj rezolute.

Rezoluta nuk thekson se kur do nisin bisedimet, ndërsa pritet të dihet më shumë në seancën e ardhshme të Kuvendit.

Adem Grabovci i PDK-së, partisë sponsoruese e kësaj rezolute, ka thënë se kjo ka të bëjë me ndërtimin e marrëdhënieve fqinjësore. Ai tha se me këtë rezolutë, Qeveria e Kosovës do të autorizohet që të udhëheqë procesin e ardhshëm të bisedimeve me Serbinë.

Komente (8)Shpërndaje artikullin

• 22:39Nga Serbia duhet të kërkohet kompensimi i dëmeve të luftës
• 22:30Peja shpallet kampione e BKT Superligës
• 22:21Tahiri priti biznesmenë nga Bursa
• 22:20Gjykata ukrainase nuk lejon mbajtjen e marshit homoseksual
• 22:19Daçiq porosit serbët e Kosovës të dalin në zgjedhje
• 22:15Gjermania, vendi më pozitiv në botë, Irani më negativi
• 22:12Niko Komani “i fut duart” Gentës
• 22:03Më shumë produkte të rrezikshme në Evropë
• 22:01Hitzfeld: Votoj për Bayernin, për shkak të Shaqirit!
• 21:50Ancelotti i sugjeron Real Madridit blerjen e Cavanit