Qeveria zgjedh heshtjen karshi akuzave të Tërmkollit
Artikujt tjerė
- Qeveria zgjedh heshtjen karshi akuzave të Tërmkollit
- Takohen për reformën zgjedhore?
- Kësaj vere në ahengje - 45 të plagosur
- Hoxhaj: Kosova në pritje të njohjeve nga bota arabe
- Remi kundër koalicionit PDK-AAK
- Kuvendi sot diskuton privatizimin në Kosovë
- KEK: Kostoja e mbylljes së ”A”-së do të jetë 400 milionë euro
- Hamiti: Të privatizohet gjithçka në PTK, përveç fitimit
- BSPK-ja për 20 shtator paralajmëron protestë kundër privatizimit
- Shefki Ukaj ia sheh sherrin CV-së
Prishtinë, 17 shtator – Qeveria e Kosovës ka zgjedhur të mos flasë kundruall akuzave të anëtares së Kryesisë së Aleancës për Ardhmërinë e Kosovës, Melihate Tërmkolli, për ministrin e Administratës Publike në Qeverinë e Kosovës, Mahir Jagxhillar. Ajo të shtunën në një konferencë për shtyp ka thënë se ai ka punuar për rritjen e numrit të komunitetit turk në Kosovë gjatë procesit për regjistrimin e popullsisë, të ekonomive familjare dhe të banesave.
Gazeta nuk ia ka dalë të dielën që të marrë qëndrime nga zëvendëskryeministri i Kosovës, Hajredin Kuçi, dhe nga ministri i Administratës Publike, Mahir Jagxhillar. Ndonëse kanë pasur qasje në sistemin e “Valës”, asnjëri prej tyre nuk është përgjigjur në telefon.
Anëtarja e Kryesisë së AAK-së në konferencën e saj ka akuzuar ministrin kosovar nga komuniteti turk se ka sjellë bashkëkombës të tij nga Turqia për t’i regjistruar si banorë rezidentë të Kosovës që në fund të procesit numri i komunitetit turk në Kosovë të dalë më i madh sesa që është në të vërtetë. “Ministri Jagxhillar me autobus ka sjellë turq nga Turqia, i ka sjellë sa për t’u regjistruar”, ka thënë Tërmkolli.
Anëtarja e Kryesisë së AAK-së të dielën ka kërkuar dorëheqjen e Qeverisë. “Kjo heshtje nuk është veprimi i parë i Qeverisë së Kosovës ku ajo sillet papërgjegjshëm. Ka shumë procese të tjera dhe Qeveria hesht. Më shumë sesa gjysma e Qeverisë janë nën hetime dhe ajo hesht”, ka thënë ajo. “Më e pakta që duhet të bëjë kjo Qeveri është dorëheqja”.
