Djali i vëllait të Kadri Veselit, i shet kompjuterë Qeverisë
Artikujt tjerė
- Më 28 Nëntor Prishtina e Tirana lidhen me autostradë
- Vetëvendosje akuzon RTK-në për abuzime milionash
- Kroacia i ofron Kosovës ekspertizën e vet për integrime evropiane
- Çukalloviq zgjidhet zëvendëskryetar i Kushtetueses
- Qeveria zgjedh heshtjen karshi akuzave të Tërmkollit
- Takohen për reformën zgjedhore?
- Kësaj vere në ahengje - 45 të plagosur
- Hoxhaj: Kosova në pritje të njohjeve nga bota arabe
- Remi kundër koalicionit PDK-AAK
- Kuvendi sot diskuton privatizimin në Kosovë
Prishtinë, 16 shtator - Kompania “Kobit PC”, e cila formalisht udhëhiqet nga djali i vëllait të ish-kryespiunit, Kadri Veseli, kishte kontrata për furnizim me pajisje teknologjike me Zyrën e Kryeministrit dhe Këshillin e Sigurisë së Kosovës.
Kjo kompani kishte fituar kontrata nga prokurimet publike dhe me kompanitë private e organizatat e ndërlidhura me njerëz të PDK-së.
“Kobit PC”, që ka për pronar Hylmi Veselin, djalin e vëllait të Kadriut, është një kompani që merret me tregti kompjuterësh që nga viti 2008. Atë vit, ishte shuar zyrtarisht Shërbimi Informativ i Kosovës, një organizatë spiunazhi, shumë nga drejtuesit e së cilës i përkasin PDK-së së Thaçit, raporton Gazeta JNK.
Zyra e Kryeministrit Thaçi, më 20 korrik të vitit 2009, ka shpallur fituese këtë kompani në tenderin për furnizim me mallra të teknologjisë informative. Oferta e “Kobit PC” ishte 8 mijë e 547 euro.
Një tjetër institucion që operon në kuadër të Zyrës së Kryeministrit kishte zgjedhur të njëjtën kompani private më 22 mars 2010.
Sekretariati i Këshillit të Sigurisë së Kosovës kishte shpallur fitues këtë kompani, që kërkonte 9 mijë e 954 euro për furnizim me pajisje të teknologjisë informative.
Këshilli i Sigurisë së Kosovës, në bazë të ligjit përkatës, përbëhet prej institucioneve më të larta në vend dhe jep këshilla në lidhje me sigurinë, bën strategji dhe jep informacione sigurie për Qeverinë.
Institucione tjera publike që kanë lidhur marrëveshje me kompaninë “Kobit PC” janë edhe Komuna e Malishevës dhe QKUK-ja.
luan sokoli16.09.2012/21:20
SHIKUUUUUUUUU
edheeee meee kompjuter.
garant qdo PC ka naj virus qe i perqon gjitha imelat qe jan brenda qeveris...
kjo organizat ... i ka shti rrojt gjithka!!!!!!