Jakshiqi i Mitrovicës për fusnotën: Ditë e zezë, o fat i zi
Artikujt tjerė
- Jakshiqi i Mitrovicës për fusnotën: Ditë e zezë, o fat i zi
- Qeveria serbe heq dorë nga fusnota në tabelën e Kosovës
- Një luftëtar i zhdukur shqiptar identifikohet në Kroaci
- Sa pinë ujë arsyetimet serbe për kolonat në kufi
- Majko këshillon institucionet kosovare si të dialogojnë me Serbinë
- Veriu sfidon vendimin për patentë-shoferët
- Klasat e mbingarkuara vijojnë të shkaktojnë probleme
- Thaçi e Mustafa urojnë fillimin e vitit të ri shkollor
- Thaçi-Jansha, pavarësia e Kosovës ka sjellë stabilitet në rajon
- Studentët paralajmërojnë protesta masive nëse shmanget Pakoja e Ahtisaarit
Mitrovicë, 2 shtator – Anëtari i Kryesisë së Partisë DSS të Vojisllav Koshtunicës, Marko Jakshiq deklaroi sot se heqja dorë e Qeverisë serbe nga insistimi në fusnotë për prezantimin e Kosovës “është lëshim pe shumë i madh dhe i panevojshëm” i palës serbe. “Nëse sipas mëngjesit shihet dita, serbët në Kosovë i pet thënia popullore ‘Ditë e zezë, o fat i zi’. Frikësohem se ky është vetëm fillimi i kompromiseve të dhimbshme që i paralajmëronte zëvendëskryeministri Aleksandar Vuçiq”, i tha Jakshiqi agjencisë Beta.
Sipas tij, qeveria serbe me këtë akt të lëshimit pe ka shkuar përtej marrëveshjes që në Bruksel e ka arritur negociatori i Beogradit, Borisllav Stefanoviq.
Ai përkujtoi se në mitingun parazgjedhor në Mitrovicë, Partia e Tomisllav Nikoliqit me plotë gojë premtonte se do të anulojë të gjitha marrëveshjet që Stefanoviq i ka arritur me Edita Tahirin.
Si transmeton gazeta Blic, zyrtarët serbë më nuk do të duhet të braktisin tubimet ndërkombëtare ku marrin pjesë edhe përfaqësuesit e Kosovës, pasi që qeveria serbe sot ka miratuar instruksionet e reja për veprim të përfaqësuesve shtetërorë në tubimet e tilla.
