Limaj beson se asnjë koalicion s’vendos për Kosovën

Prishtinë, 29 gusht - Njeriu numër dy në PDK, Fatmir Limaj, thotë se Qeveria e Kosovës para se të hyjë në negociata me Serbinë duhet që ta zhvillojë një dialog të brendshëm me të gjitha institucionet tjera dhe me gjithë spektrin politik në vend, për të pasur një qëndrim unik dhe jo që të hyjë në to pa plan dhe pa kushtëzime.

Limaj në një intervistë për “Zërin”, thotë se për fatin e Kosovës nuk mund të vendosë as PDK-ja e as AAK-ja. Sipas tij, pardon i këtij vendi është populli i Kosovës.

“Dhe nëse mendoni se ju që keni qenë në UÇK edhe mund të bëni çfarë të doni me Kosovën, gaboni rëndë. Kosova është pak më e madhe, pak më ndryshe”, thotë Limaj.

Sipas tij, për ndryshimin e koalicionit deri më tani asnjëherë nuk është diskutuar në Kryesinë e partisë. Ai mendon se para kësaj, PDK-ja duhet t’i bëjë llogaritë së pari me partnerin e tashëm të koalicionit, AKR-në.

Deputeti Limaj thotë se Prishtina zyrtare duhet t’i krijojë parakushtet e nevojshme për një dialog me rezultate dhe në të mirë të qytetarëve të Kosovës.

Ai thotë se me Nikolicin e Dacicin mund të bisedohet vetëm atëherë kur të ata të kërkojnë falje për krimet e bëra dhe i shuajnë të gjitha institucionet serbe nga territori i Kosovës.

Limaj thotë se për veriun nuk do të jepet asgjë më shumë se Pakoja e Ahtisaarit, sepse siç shprehet ai “ky është kompromisi më i dhimbshëm që ka bërë Kosova”.

 

Komente (4)Shpërndaje artikullin

• 10:21Mosanëtarësimi i Kosovës në OKB ndër sfidat kryesore
• 10:12Pas pesë vjetësh gjendet aeroplani i zhdukur
• 10:08Kosova së shpejti hap Zyrë në Athinë
• 10:08Auditori zbulon shumë shkelje në Ministrinë e Punës
• 09:56Në Algjeri po rikthehet konkursi kombëtar i bukurisë
• 09:54Vrima koronale në Diell do të shkaktojë stuhi magnetike në Tokë
• 09:53Arratiset i ndaluari, hidhet nga kati i 3 i komisariatit
• 09:49Tuneli i Kërrabës
• 09:48Ekspozita World Press Photo për herë të parë në Kosovë
• 09:41Roland Sejko merr “David di Donatello” në Itali për “Anijen”