Zjarret bëjnë kërdi, Qeveria s’e thërret Këshillin për Siguri
Artikujt tjerė
- Zjarret bëjnë kërdi, Qeveria s’e thërret Këshillin për Siguri
- Jahjaga: Nuk më lejohet të jap dorëheqje
- Ambasadorja amerikane rithekson luftimin e korrupsionit në Kosovë
- PDK pa unitet të brendshëm për dialog
- Nesër “Lum Lumi” për 70- vjetorin e Ali Podrimjes
- Bien temperaturat, por nuk bie shi
- Hoxhiq: Problemi kryesor në veri, infrastruktura
- FSK në stërvitjet “Reagim ndaj krizave” në Krivollak
- Burns e Perritt propozohen për “Konsuj Nderi” të Kosovës në SHBA
- KQZ-ja në gjyq për financat publike
Prishtinë, 27 gusht - Javët e fundit, zjarret kanë shkatërruar qindra hektarë pyje në vise të ndryshme të vendit, thuhet në një komunikatë LDK-së. Vazhdimi i kësaj katastrofe tregon paaftësinë e Qeverisë së Kosovës për t’u përballur me këtë gjendje të rendë dhe neglizhencën institucionale për të mbrojtur pasurinë kombëtare të Kosovës.
Deri tani, kryeministri dhe Qeveria e Kosovës nuk ka qenë në gjendje që të thërrasin Këshillin për Siguri të Kosovës në mënyrë që të koordinojnë aktivitetet e parandalimit, shuarjes dhe shpëtimit nga zjarri të zonave malore.
Agjencioni për Menaxhimin e Emergjencave në kuadër të Ministrisë së Punëve të Brendshme deri tani shihet që nuk posedon kapacitetet elementare të bëjë koordinimin dhe punën e saj për të ndalur këtë katastrofë.
Shumë zjarrfikës po mundohen me të gjitha mjetet të kryejnë punën e tyre, por ata janë lënë në mëshirën e fatit në terrene të rrezikshme për jetën e tyre. LDK vlerëson lartë angazhimin e gjithë atyre zjarrfikësve që nuk po e kursejnë veten e tyre për të përmbushur detyrat që kanë.
LDK është e vetëdijshme për kapacitetet modeste teknike të institucioneve profesionale pasi që mungojnë edhe pajisjet më elementare të duhura si: bombolat për shuarjen e zjarrit, hidrantët, kamionët apo edhe helikopterët. Sidoqoftë, mosinteresimi total i ministrave të linjës dhe qeverisë në përgjithësi flet për një realitet të hidhur ku nuk ekziston as edhe një deklaratë e vetme që tregon shqetësimin e këtyre zyrtarëve të shtetit apo edhe një thirrje për ndihmë nga KFOR-i apo shtetet fqinje.
