Vetëvendosje s’i shkoqet Thaçit, ia bllokojnë telefonin

Prishtinë, 26 gusht - Telefoni mobil i kryeministrit Hashim Thaçi, si dhe i ministrave Besim Beqaj, Bedri Hamza e Mimoza Kusari-Lila janë bllokuar para pak kohe nga qindra mesazhe kundër procesit të privatizimit.Nëpërmjet SMS-ve, që kanë përmbajtjen e njëjtë, katërshja qeveritare është “këshilluar” nga anëtarët dhe aktivistët e Lëvizjes Vetëvendosje që në asnjë mënyrë të mos e privatizojnë PTK-në, KEK-un dhe Trepçën.

Aktivistët e kësaj lëvizje nuk janë ndalur me kaq. Nëpërmjet mesazheve telefonike dhe e-mailave në adresa personale të katër zyrtarëve shtetërorë kanë kërcënuar që privatizimin e këtyre tri ndërmarrjeve do ta ndalin duke dalë në rrugë së bashku me familjarët e tyre, shkruan Zëri.

Ja edhe teksti që ka shkuar në e-mailat e katër zyrtarëve të Qeverisë:

“z. Ministër,

Unë që po të shkruaj, jam një nga qytetarët e thjeshtë të Kosovës i brengosur me rrugën që po merr vendi im. Po marr shkas të ju shkruaj nga lajmet e përditshme mbi gjendjen e rëndë ekonomike, varfërinë, që po përhapet pa ndalur duke zhytur në skamje një numër gjithnjë e më të madh të familjeve kosovare.

Kjo gjendje e rënduar për qytetarët duket se nuk do të ketë të ndalur, të paktën jo nëse nisemi nga politikat tuaja ekonomike. E kam fjalën për procesin e privatizimit të Trepçës, KEK-ut dhe Telekomit të Kosovës, të gjitha këto simbole dhe krenari për Kosovën. Të gjithë ne, shpresat për një jetë më të mirë i kemi pasur tek potenciali zhvillimor i këtyre gjigantëve ekonomik.

Këto ndërmarrje nuk janë pronë e juaja z. Ministër. Trepça, KEK-u dhe Telekomi i Kosovës janë ndërtuar me punën tonë të palodhshme. Prandaj, për fatin e këtyre ndërmarrjeve duhet të vendosim ne, qytetarët e Kosovës. Ju që po merrni vendime të tilla, ka kohë që jeni të shkëputur nga realiteti që e jetojnë qytetarët dhe nuk do t’i vuani pasojat e këtyre privatizimeve.

z. Ministër, nëse politikat tuaja të drejtuara kundër mirëqenies sonë do ta vazhdojnë rrugën e tyre pa u ndalur, unë dhe familja ime do të jemi të detyruar të dalim në rrugë për t’ju ndalur me çdo kusht juve dhe këtë proces. Ne, do ta kundërshtojmë në çdo formë privatizimin e Trepçës, KEK-ut e PTK-së.

Me respekt!”

Ndërkaq, mesazhi telefonik që ka pranuar katërshja është ky:

“Z. Kryeministër, nëse politikat tuaja të drejtuara kundër mirëqenies sonë do ta vazhdojnë rrugën e tyre pa u ndalur, unë dhe familja ime do të jemi të detyruar të dalim në rrugë për t’ju ndalur me çdo kusht juve dhe këtë proces. Ne, do ta kundërshtojmë në çdo formë privatizimin e Trepçës, KEK-ut dhe PTK-së”.

Burime të gazetës brenda Vetëvendosjes kanë bërë të ditur se planifikohet që gjatë ditës së diel të dërgohen mijëra SMS dhe e-maila të tillë.

 

Komente (10)Shpërndaje artikullin

• 14:53 “M” akuzoi EULEX-in, më 28 maj dëshmitari “B”
• 14:44Kosova shënon javën e tolerancës
• 14:38Zbulohet mbushësi që karikon celularin për 20 sekonda
• 14:32Franc Nopça rrëfen Shqipërinë e një shekulli më parë
• 14:25Hoxhaj ngushëllon sekretarin Kerry për Okllahomën
• 14:20Takimi i Thaçit me Daçiqin nis në orën 16
• 14:12Kongresi amerikan demaskon kompaninë Apple për evazion fiskal
• 14:04Shqipëria vendos regjimin pa viza për turistët rusë
• 14:02Muharrem Xhemajli rizgjidhet nënkryetar i CEAC-it
• 13:58Thaçi propozon Zenun Pajazitin për kryetar të PDK-së në Gjilan