Vazhdojnë pritjet e gjata në Merdar

Podujevë, 26 gusht – Pritjet e gjata për qytetarët që ia kishin mësyrë pikës kufitare në Merdar kanë vazhduar edhe të dielën. Atyre që u kishte rënë “hise” të presin në temperatura të larta, thanë pas orës 15:00 se pritjet për në dalje nga Kosova kanë qenë nga 3 deri në 4 orë. Po ashtu, kolona e automjeteve që po prisnin për të kaluar kufirin që ndan Kosovën me Serbinë ishte e gjatë, njofton korrespodenti i Kohës Ditore. Pritjet e gjata, sipas qytetarëve, po shkaktohen nga neglizhenca e autoriteteve serbe dhe për shkak të formularëve që i plotësojnë këta të fundit për qytetarët të cilët udhëtojnë me pasaporta dhe letërnjoftime të Republikës së Kosovës.

Kolonat dhe pritjet e gjata në pikëkalimin kufitar në Merdar kanë filluar që nga dita e premte, për të vazhduar të shtunën dhe të dielën. Pritje të gjata ka pasur edhe të dielën e kaluar dhe të hënën, pas festës së Fitër Bajramit, kur mërgimtarët filluan të kthehen masivisht nga Kosova për në vendet perëndimore ku punojnë e jetojnë.     

 

Komente (2)Shpërndaje artikullin

• 22:33Barka “zbarkon” në mes të autostradës
• 22:28Giffoni premton rrugë për nxënësit e Mihirit
• 22:12Daçiqi konfirmon dakordimin, “më shumë punë e pret Prishtinën”
• 21:53Tre të arrestuar për falsifikim parash
• 21:46Promovohet libri “Utopia reale” e I. Berishës
• 21:43Reshje shiu, deri të dielën
• 21:32“Shqiponjës” i merren dy arinj të murrmë (Video)
• 21:29Në “Lutjet e mëngjesit”, përfaqësues të mbi 30 shteteve
• 21:07Sondazh, LDK-ja ulë ngecjen prapa PDK-së
• 20:58Magjistralja Prishtinë-Mitrovicë, me 20 milionë dollarë të BIZH-it