Zyrtarizohen konsujt e nderit të Kosovës në Turqi, Honduras dhe Haiti
Artikujt tjerė
- Zyrtarizohen konsujt e nderit të Kosovës në Turqi, Honduras dhe Haiti
- Tolajn dhe avokatin e tij mund t’i presë një padi e re
- Bankat dyfishojnë fitimet
- Universiteti Publik i Prishtinës i 3387-ti për cilësi
- Edhe LDK-ja ka shkelur Marrëveshjen për presidentin
- Ekspertët kosovarë të mirëseardhur në Gjermani
- Digjen pyjet edhe në Sharr
- KFOR-i zhbllokoi rrugët drejt Zubin Potokut
- Jahjaga ngushëllon presidentin slloven Türk
- Serbët në veri reagojnë kundër aksionit në Zupç
Prishtinë, 24 gusht – Kosovës i janë pranuar katër konsuj të nderit në Turqi dhe nga një në Honduras dhe në Haiti.
Pranimi i konsujve të nderit të Kosovës nga ministria e Punëve të Jashtme të shteteve përkatëse ka ardhur ditëve të fundit pas emërimit paraprak nga Ministria e Punëve të Jashtme e Kosovës.
Zëdhënësi i MPJ-së, Artan Behrami, të enjten, teksa ka dhënë emrat e konsujve, ka treguar edhe vendin në të cilin ata do ta ushtrojnë rolin e tyre. “Muharrem Toprak është konsull nderi në Izmir, Fahrettin Gülener është konsull nderi në Bursa,
Kaan Kaşif Kavaloğlu është konsull nderi në Antalia dhe Emin Hisarcıklıoğlu është konsull nderi në Kajseri”, ka treguar ai. “Enrique Rais është konsull nderi në kryeqytetin e Hondurasit, Teguçigalpa, dhe Patrick Rouzie në kryeqytetin e Haitit, Port-au-Prince”.
Behrami ka bërë të ditur se konsujt në Turqi kanë ardhur nga Ambasada e Kosovës në këtë vend, ai në Haiti nga ministri Hoxhaj, kurse ai në Honduras nga zëvendëskryeministri i parë i Kosovës, Behgjet Pacolli.
Gazeta ka marrë vesh se MPJ-ja tashmë është në pritje të konfirmimit të John Menzies si konsull nderi i Kosovës në SHBA.
Më shumë lexoni sot në Koha Ditore.
