Bankat dyfishojnë fitimet

Prishtinë, 24 gusht - Vlera neto e kredive të dhëna për klientët nga bankat komerciale që operojnë në Kosovë është rritur lehtë ndërmjet periudhës mars e qershor të këtij viti. Sipas raportit të Bankës Qendrore të publikuar në fund të javës së kaluar, vlera e tërësishme e kredive të bankave ka arritur në 1 miliard e 613 milionë euro deri më 30 qershor. Krahasuar me muajin mars, vlera e kreditimit është për 37 milionë euro më e lartë. Krahas kreditimit, edhe vlera e depozitave të klientëve në banka është rritur ndjeshëm. Deri në fund të qershorit vlera e depozitave të klientëve në banka arriti në 2 miliardë e 105 milionë euro, apo rreth 15 milionë euro më shumë sesa në tremujorin e parë të vitit. Me gjithë rritjen e lehtë të vlerës së kreditimit dhe depozitave, bankat komerciale që operojnë në Kosovë kanë dyfishuar profitin ndërmjet periudhës mars-qershor të këtij viti. Profiti i shënuar deri në fund të qershorit kap vlerën prej 16 milionë e 298 mijë eurosh, nga 8 milionë e 672 mijë euro sa ishte në mars.

Profitin më të lartë e ka shënuar “Pro-Credit Bank”. Kjo bankë e ka dyfishuar profitin brenda tre muajve, nga 5 milionë euro sa ishte në mars, në 10.4 milionë euro në fund të qershorit. 

Gjerësisht lexoni sot në “Koha Ditore”

Komente (9)Shpërndaje artikullin

• 09:41Indiana kalon në finalen e Lindjes
• 09:40Yahoo “blen” blogun Tumblr mbi 1 miliard dollarë
• 09:38Tuna, tjetër njeri pa grim
• 09:36“Billboard” ndan çmimet për muzikë
• 09:35Festoi ditëlindjen e 99-të, duke u lëshuar me litar si “specialët”
• 09:33Adnan Januzaj për herë të parë në 18-shen e United
• 09:19Gjatë stërvitjeve ushtarake në Rusi shpërthyen disa tanke
• 09:10Thaçi ia bën qejfin Pacollit, vazhdon riformatimin me zëvendësministra
• 09:03Kosova i rikthehet hekurudhës
• 08:57Humb jetën në udhëkryqin te Katedralja në kryeqytet