Mandati i EULEX-it përmes Kuvendit
Artikujt tjerė
- Mandati i EULEX-it përmes Kuvendit
- “Kosovës B” i zgjatet jeta deri më 2040, me investime private
- Me Serbinë dialog, por jo për veriun
- Megjithë përparimet, ndotja e mjedisit tejkalon normat e lejuara
- Bëhuni gatë edhe për një javë tropikale
- U shkurtohet asistenca sociale e pamerituar 1 300 familjeve
- Kryeministri Thaçi, ka udhëtuar për në SHBA
- Hague: Mbretëria e Bashkuar do të vazhdojë mbështetjen për Kosovën
- Besimtarë myslimanë festojnë Fitër Bajramin, zyrtarët vizitojnë BI-në
- KS i OKB-së të martën shqyrton raportin për Kosovën
Prishtinë, 20 gusht - Autoritetet e Prishtinës tashmë kanë sqaruar çështjen e vazhdimit të mandatit të EULEX-it. Ministria e Drejtësisë ka hartuar një letër, të cilën pritet ta dërgojë për ratifikim në Kuvendin e Kosovës. Të njëjtin dokument, më pas, presidentja Jahjaga ia dërgon baroneshës Ashton.
Institucionet e Kosovës e kanë qartësuar formën se si do të kërkojnë vazhdimin e mandatit të Misionit të Bashkimit Evropian për Sundim të Ligjit në Prishtinë. Qeveria, përmes Ministrisë së Drejtësisë, e ka hartuar Letrën, me të cilën EULEX-it i vazhdohet mandati deri në vitin 2014, shkruan “Express”.
Ministri i Drejtësisë, Hajredin Kuçi ka thënë se Letra për EULEX-in do të votohet së pari në Kuvend me 2/3 e deputetëve, e pastaj t’i dërgohet Presidentes.
“Kuvendi duhet ta ratifikojë”, ka thënë zëvendëskryeministri Hajredin Kuçi.
Ai ka sqaruar se pastaj e njëjta Letër do t’i dërgohet Presidentes Jahjaga, e cila do të kërkojë nga Baronesha Ashton t’i vazhdohet mandati Misionit më të madh të vendeve të BE-së në Kosovë.
