Bie çmimi i banesave

Artikujt tjerë

• Mësimdhënësit e viteve ’90 -‘99 duan status të veçantë ligjor
• ZRRE-ja akuzon KEK-un për rritje artificiale të humbjeve
• Kryetari i Kushtetueses ka shkelur ligjin
• Asociacioni i komunave serbe pas zgjedhjeve në veri
• Shefi i ZAP-it akuzohet nga auditorët për favorizime... dhe mospërfillje
• Kuçi: Asgjë nuk është fshehur në këtë dialog
• Pakënaqësi të shumta të qytetarëve me shërbimet në QKUK
• Strukturat paralele në veri, deri në shtator
• Më 25 mars, rigjykimi i tretë i “Grupit të Llapit”
• Infrastruktura ligjore anti korrupsion në Kosovës, konfliktuoze

Banesave të ndërtuara pas luftës në Kosovë, po u bie çmimi. Më së shumti
janë liruar këto banesa për shkak të cilësisë së dobët të ndërtimeve
dhe mungesës së dokumentacionit. Ato nuk i blen kush as me 50 për qind
zbritje të çmimit, shkruan “Express”. Rënie e çmimeve po vërehet edhe në
ndërtimet e reja. Agjencitë e patundshmërive thonë se as për këto ndërtime nuk ka blerës. Po bien çmimet e banesave. Ky lajm po i gëzon ata që deri më tani nuk kanë mundur të bëhen banorë të ndërtesave të panumërta të banimit kolektiv në qytete. Në krahasim me vitet e kaluara, qytetarët mund të blejnë metrin katror të apartamenteve deri 50 për qind më lirë në disa vende.

Rënia kryesisht vërehet te disa objekte të banimit të ndërtuara në vitet e pasluftës. Shkak del të jetë numri i madh i ndërtimeve të pakontrolluara në atë kohë, pa ndonjë kriter dhe pa kontroll të mirëfilltë nga institucionet. Këtë e pranojnë edhe kompanitë ndërtuese dhe e dëshmojnë agjencitë që merren me shitblerjen e patundshmërive.

Sipas këtyre të fundit, në ndërtimet e reja nuk vërehet ndonjë ndryshim i madh në çmim, ndërsa në ato të vjetrat që janë ndërtuar para 5-6 vitesh, ka raste që një metër katrorë shitet edhe me 250 euro.

Në një studim që ka bërë Arben Asllani, pronar i agjencisë së patundshmërive Intercapital, tregon se në Prishtinë, rënie vërehet në banesat e ndërtuara afër parkut të qytetit dhe në lagjen Arbëria. “S’kanë leje dhe kushtet i kanë më të dobëta se këto të rejat”, thekson Asllani.

Ai tregon se edhe te ndërtimet e reja që po ndërtohen së fundi, ka rënie të lehta nga 4 deri në 5 për qind të çmimit për metër katror. “Këto ndërtimet e reja po e diktojnë çmimin, por nuk ka blerës aq shumë”, thekson Asllani.

Sipas tij, në Prishtinë në zonën Qendra, çmimi ka mbetur konstant dhe nuk vërehet ndonjë ndryshim i madh, ndërsa në pjesët periferike ka lëvizje të mëdha.

Të dhënat e hulumtimit të kësaj agjencie tregojnë se çmimet e ndërtimeve të reja më së shtrenjti janë në lagjen Pejton në Prishtinë, ku sillen nga 1200 euro deri në 1600 euro. Ndërsa më së liri duket të jetë në Lagjen e Spitalit, Arbëri, Tophane e Mati 1, nga 700 deri në 900 euro.

Edhe pronari i kompanisë ndërtuese “Pozhegu Brothers”, Qemajl Pozhegu, thotë se ka një tendencë në ngritje të qytetarëve të interesuar për apartamente të ndërtuar së fundi. “Banesat e reja janë me kualitet më të lartë të ndërtimit dhe për këtë është rritur kërkesa për to”, pohon Pozhegu.

Përcaktues i vlerës së banesave ai thotë se në masë të madhe është lokacioni ku është e ndërtuar ajo dhe kushtet që po u ofrohen nga ndërtuesit për mënyrën e blerjes qytetarëve.

Numri i madh i banesave në ndërtim për ata që merren me këtë punë është rrezik se do të ndikojë që edhe më tej të bjerë çmimi i shitjes.

Pronari i kompanisë Nartel, Gani Mehmeti vlerëson se në treg janë futur një numër i madh i ndërtuesve të panjohur që nuk e kanë profesion ndërtimin dhe që po ndikojnë në çrregullimin e çmimit. Megjithatë, Mehmeti thotë se nuk i ka lëvizur çmimet e banesave që i ka në shitje dhe nuk e ka ndërmend të bëjë një gjest të tillë njëherë, pavarësisht se si veprojnë kolegët e tij.



Çmimet e banesave në Prishtinë:



Lagjja Pejton, nga 1200 - 1600 euro



Ulpianë, nga 1200 - 1400 euro



Dardani, nga 1000 -1200 euro



Lakërishtë, nga 900 -1200 euro



Emshir, nga 700 – 1000 euro



Bregu i Diellit, nga 800 – 1000 euro



Lagja e Spitalit, nga 700 – 900 euro



Arbëri, nga 700 – 900 euro



Parku i qytetit, nga 800 – 1000 euro



Tophane, nga 700 – 900 euro



Mati 1, nga 700- 900 euro



Qafa, nga 900 – 1200 euro .

 

Komente (6)Shpërndaje artikullin

• 18:44Tym i zi në motorin e aeroplanit të British Airways
• 18:40Naim Bejtullahu zëvendëson Ismajlin në KOSTT
• 18:35Riinvesti kritikon qasjen e institucioneve në ekonomi
• 18:28AAK-ja me katër nënkryetarë, pati edhe pakënaqësi
• 18:08Fillon mbushja e gropave, Komuna fton qytetarët të informojnë
• 18:02Qeveria miratoi nënshkrimin e Planit të Zbatimit të Marrëveshjes
• 17:49Yagcilar flet në Budapest, përfaqësuesi serb braktis konferencën
• 17:44Duhen edhe 9 milionë euro për Klinikën e re Emergjente
• 17:30Tërsteniku e Komorani me kontejnerë të mbeturinave
• 17:25Certifikata edhe për 19 pjesëtarë të IPK-së