Serbia mëdyshet rreth këshillave të përkohshme në Kosovë
Artikujt tjerė
- Serbia mëdyshet rreth këshillave të përkohshme në Kosovë
- Krasniqi porosit Grabovcin: Në PDK kam më shumë hise
- EULEX cakton 15 ditë paraburgim për Aleksandër Bulatoviqin
- “Moleri” ikën nga Vetëvendosje
- Serbia do ta pranojë Kosovën pa fusnotë?
- Mërgata përbën faktor të rëndësishëm për Kosovën demokratike
- Thaçi: Mustafa fyen qytetarët e Prishtinës
- Tetë organizata rajonale i thonë po anëtarësimit të Kosovës
- Lëvizja e lirë e mallrave nuk i rriti eksportet për në Serbi
- PDK-ja do dialog me LDK-në për presidentin
Beograd, 15 gusht – Edhe pse administratave vendore në 24 komuna të Kosovës, siç i quan Serbia organet e veta ilegale në vendin tonë, u ka skaduar mandati, nuk dihet nëse Qeveria e re e këtij vendi do të emërojë këshillat e përkohshme në ato lokalitete, ashtu siç kishte paralajmëruar qeveria paraprake, raporton “V. Novosti” i Beogradit.
Kjo gazetë citon burimet qeveritare serbe t’i kenë deklaruar se ende nuk ka një marrëveshje për emërimin e titullarëve të strukturave të saj, meqë kjo është “çështje që lidhet me dialogun politik me Prishtinën, platformën e ardhshme shtetërore, por edhe me kërkesat detyruese të fuqive perëndimore për të shuar institucionet tona në Kosovë”.
“Edhe pse para zgjedhjeve ishte përmendur opsioni që në mjediset e Kosovës, ku organeve vendore të pushtetit u kishte skaduar mandati, të formoheshin këshillat, tash për tash as që zihen në gojë në Qeveri. Meqë bëhet fjalë për vendim politik, duhet të rpitet qëndrimi i të gjithë partnerëve të koalicionit rreth kësaj çështjeje”, citon “Novosti” burimet qeveritare.
Pushteteve komunale, siç i cilëson Beogradi organet paralele që funksionojnë në Kosovë, në Mitrovicë, Leposaviq, Pejë dhe Novo Bërdë ende nuk u ka skaduar mandati. Në Zveçan e Zubin Potok janë formuar pushtetet e reja, që kanë dalë nga zgjedhjet lokale të cilat nuk i ka mbështetur as Beogradi, as UNMIK-u. Në lokalitetet e tjera sundojnë garniturat të cilave u ka skaduar mandati, rikujton kjo gazetë.
Ndërsa kryetari i Komunës së Mitrovicës, eksponent i Beogradit, Kërstimir Pantiq thotë se këshilla të përkohshme do të formohen në Kosovën jugore, siç e quajnë ata territorin në jug të lumit Ibër, Dobrosav Dobriq, zëvendëskryetar i Komunës së Zveçanit, citohet të ketë thënë se autoritetet në ato lokalitete kanë legjitimitet të plotë, pavarësisht nga mosnjohja e tyre në Beograd e as nga UNMIK-u.
Ish-sekretari i Shtetit në Ministrinë për Kosovën në Qeverinë e Serbisë, Oliver Ivanoviq, konsideron se institucionalizimi i këshillave të përkohshme është mënyrë e mirë për shmangien e vakuumit në punën e administratave komunale.
“Këshillat do të mund të funksiononin deri sa të mos krijohen kushte për mbajtjen e zgjedhjeve lokale. Kjo do të mund të ishte një nga temat e bisedimeve në Bruksel. Konsderoj se OSBE do të mund të luante rolin vendimtar, meqë e ka kryer mirë detyrën kur në Kosovë u mbajtën zgjedhjet për presidentin dhe Kuvendin e Serbisë”, e citon “V. Novosti” Ivanoviqin.
