Thaçi, për bisedime politike, Edita me kusht

Prishtinë, 12 gusht – Kryeministri Hashim Thaçi përsëriti sot sërish se është në interes të dyanshëm, por edhe rajonal, takimi i nivelit të lartë politik mes Kosovës e Serbisë, si dy shtete.

Në një deklaratë për RTK-në shefi i qeverisë tha se sa i përket vazhdimit të bisedimeve nuk ka asnjë presion për ngritjen në nivel politik të dialogut.

“Nuk ka presion për dialog politik. Është në interes të dy vendeve që të ketë takime të larta politike, të fqinjësisë së mirë. Normalizimi i raporteve nënkupton siguri për të ardhmen dhe një perspektivë integruese për gjithë rajonin”, tha kryeministri. Në anën tjetër, zëvendësja e tij, dhe kryesuese e delegacionit të Kosovës në bisedime me Serbinë,  Edita Tahiri iu tha sot gazetarëve se pa zbatimin e marrëveshjeve paraprake të arritura me Serbinë në Bruksel, nuk mund të ketë bisedime të tjera. Ajo shtoi se deri më tash asnjë nga marrëveshjet e arritura nuk është zbatuar ashtu siç janë pajtuar të dyja palët.

Për mos zbatimin e marrëveshjeve ajo fajësoi Serbinë, si dhe garantuesin e marrëveshjeve Bashkimin Evropian, i cili, si tha ajo, nuk po i bën presion Beogradit zyrtar. Megjithatë, pavarësisht kësaj, Tahiri e sheh Kosovën si fitimtare në tërë këtë proces.

Komente (3)Shpërndaje artikullin

• 21:29Rrezikohet Liga Ballkanike për Prishtinën (Video)
• 21:25Nuk përfillet vendimi i Ministrisë për Prevallën (video )
• 21:16Morati ndryshon mendje, s'do të mbajë Stramaccionin
• 21:10Flamengo interesohet për Kakan
• 21:01AKP synon shkarkimin e drejtorit të “Trepçës” në veri(video)
• 20:50Huffington Post: Amfiteatri i Durrësit në rrezik
• 20:44SHGSPK-ja dënon fyerjet e tifozëve ndaj Binakut
• 20:38Bale me kontratë të re te Tottenhami
• 20:30Brad Pitt: Jam më i lumtur se kurrë
• 20:20Arabia Saudite ekzekuton 5 jemenas