BE kërkon që dialogu i ndërprerë të nisë sa më shpejt
Artikujt tjerė
- Ish-pjesëtarët e TMK-së kërkojnë të sistemohen në FSK ose në Ministri
- Opozita akuzon pozitën për korrupsion në dy projekte rrugësh
- Banorët s`duan xhami jashtë standardeve urbane
- AKP-ja merr “Grandin”, dëbon ish-blerësin
- Dy deputetë të LDK-së pro hetimit të SHIK-ut nga Kuvendi
- Shkrihet qëndrimi i Thaçit kundër dialogut politik me Serbinë
- Thaçi e Daçiqi, bartës të dialogut
- Edhe të martën në Kosovë i nxehti afrikan, 37 gradë nën hije
- Procesi i konfirmimit të aktakuzës ndaj Mustafit, më 11 shtator
- BE kërkon që dialogu i ndërprerë të nisë sa më shpejt
Prishtinë, 6 gusht - Në kohën kur janë shtuar zërat për një dialog politik ndërmjet Kosovës e Serbisë, Brukseli kërkon që dialogu i ndërprerë të nisë sa më shpejt. Sipas diplomatëve të Bashkimit Evropian, energjia e telekomunikacioni janë dy temat që kanë mbetur pa u trajtuar. Megjithatë, në BE janë të kujdesshëm dhe nuk tregojnë se a do të quhet edhe më tej teknik apo politik dialogu që pritet të nisë. Shumë shpejt pritet të vazhdojnë bisedimet ndërmjet Kosovës e Serbisë, të ndërmjetësuara nga Bashkimi Evropian.
Burime nga Bashkimi Evropian kanë bërë të ditur se me formimin e qeverisë së re në Serbi nën udhëheqjen e Ivica Daçiqit nuk pritet të kalojë edhe shumë kohë dhe do të rifillojë dialogu në mes të të dyja vendeve.
Një zyrtar i lartë ndërkombëtar, i afërt me zhvillimet rreth bisedimeve, ka thënë për KTV-në se në rend janë çështja e energjisë dhe telekomunikacionit që duhet adresuar sa më shpejt.
“Këto dy tema kanë mbetur pa u trajtuar nga dialogu i ndërprerë”, ka thënë ky zyrtar i BE-së.
Megjithatë, sipas diplomatëve evropianë, pas humbjes së ish-presidentit Boris Tadiq në zgjedhjet e fundit në Serbi nuk përjashtohet mundësia e ndryshimit të përfaqësimit të Prishtinës dhe Beogradit në bisedime.
Nga ana tjetër, për bisedimet ka folur edhe Maja Kocijançiç, zëdhënëse e Përfaqësueses së Lartë të BE-së për Politikë të Jashtme dhe Siguri, Catherine Ashton.
Ajo ka thënë se Brukseli po zhvillon konsultime për vazhdimin e bisedimeve.
Për mediat serbe zëdhënësja Kocijançiç ka deklaruar se po bëjnë çmos që dialogu të nisë sa më parë që është e mundur.
Por nuk ka treguar kohën se kur do të mund të nisë ky proces.
Javët e fundit janë shtuar deklarimet e zyrtarëve të lartë ndërkombëtarë që kanë kërkuar dialog politik ndërmjet Kosovës e Serbisë, ndërsa sipas diplomatëve gjermanë, këtë dialog do të udhëheqë baronesha Catherine Ashton.
Lutvi Bardhi06.08.2012/21:46
Perpjekjet e BEsź per tź filluar bisedimet nź mes Serrbis dhe Kosovźs sa mź shpejt qź eshtź e mundur bźhet pźr arsye qź tź shfrytźzohet kjo SHIK qeveri pr bisedime tź cilat jan vetźm nź tź mir tź Serrbis 100.