Vlerësohet roli i USAID-it në luftimin e trafikimit
Artikujt tjerė
- Vlerësohet roli i USAID-it në luftimin e trafikimit
- Nisin grevën 700 punëtorë të “Trepçës”, të pakënaqur me AKP-në
- AGPK dënon ndërhyrjen në TV Mitrovica
- UGK: Demolimi i RTV Mitrovica, veprim i turpshëm
- AMPEK dënon ndërhyrjen e policisë në RTV Mitrovica
- Ministri Krasniqi priti kreun e Sarandës
- Pacolli ka kërkuar nga kryeministri i Kenias njohjen e Kosovës
- Presidentja Jahjaga u nis për vizitë zyrtare në Bruksel
- Fundi i mbikëqyrjes rrezikon Planin e Ahtisarit në veri
- Kosova pa kontroll të duhur të ilaçeve
Prishtinë, 17 korrik - Qeveria ka bërë punë të madhe në parandalimin e trafikimit me qenie njerëzore, ka deklaruar Sasha Rashiq, zëvendësministër dhe Koordinator Kombëtar për Kundër-trafikim. Ai ka falënderuar partnerët të cilët kanë ndihmuar në parandalimin e kësaj dukurie negative. Rashiqi ka thënë se roli i Qeverisë amerikane ka qenë shumë i madh në ndihmën e Qeverisë së Kosovës me fonde dhe asistime në luftimin e trafikimit. Përfaqësuesi i Organizatës Ndërkombëtare për Migrim, i cili ishte edhe zbatuesi i këtij projekti të financuar nga USAID-i, ka thënë se bashkë me Qeverinë e Kosovës dhe shoqërinë civile mund të bëhet edhe më shumë për parandalimin e kësaj dukurie. Ai theksoi se papunësia e madhe në Kosovë ndikon shumë në trafikim. Nga ana tjetër, drejtoresha e USAID-it për Kosovën, Tanya Urqueta, u shpreh e lumtur për implementimin e këtij projekti në bashkëpunim me Qeverinë dhe IOM-in. Ky projekt, sipas saj, ka ndihmuar shumë në ngritjen e strehimoreve për personat e trafikuar, konsultat me viktimat e trafikimit si dhe punësimin e tyre.
