Autostrada, shmang kolonat e gjata në rrugë
Artikujt tjerė
- Autostrada, shmang kolonat e gjata në rrugë
- Gjendja në veri e pandryshuar
- Kurti: Të gjitha maskat i kanë rënë kësaj Qeverie
- Një kontingjent i FSK-së në marshin tradicional në Holandë
- Dobësohet edhe më shumë Qeveria
- Pacolli e përjashtoi Gërbeshin me autoritarizëm
- Teposhtëza e AKR-së
- Gërbeshi dyshon se Thaçi i shërben “klanit të ‘SharrCemit’”
- Dueti i pabesueshëm Dell-Lushtaku
- Çimentoja mund t’i bëjë bashkë Thaçin e Berishën
Vërmicë, 15 korrik - Kolonat e gjata në rrugë , kanë ngelë vetëm në mendjen e drejtuesve të automjeteve në aksin rrugorë Vërmicë – Duhël. Ata mund t’i shohësh vetëm gjatë kryerjes së formaliteteve në pikën kufitare, ndërsa më pas i gjithë ky fluks i madh i automjeteve, nxiton secili për në destinacionin e tij. Nuk ka më sirena pa fund dhe bezdisje në komunikacion, ata mund ti shohësh vetëm në kolonat e dasmorëve të hareshëm, raporton RTK.
E gjithë kjo falë kushteve komode që ofron në qarkullimin rrugorë rruga e Kombit, që tashmë që nga dje ju shtuan edhe disa kilometra të tjerë. Shumica e udhëtarëve e kanë shijuar vozitjen në autostradë , ata që mezi po presin ta shohin janë emigrantët , që po kthehen në atdhe për pushimet verore.
E të tjerët që kanë udhëtuar në këtë rrugë, shprehen të kënaqur për gjithë atë që kanë parë në 42 kilometrat e rrugës së kombit.
Në këtë stinë, vizitorët në Kosovë janë të shumtë. Në pikën e kalimit kufitare të Vërmicës zyrtarët policorë raportojnë se ditë më parë fluksi i udhëtarëve në këtë pikë e ka kaluar numrin 500 mijë, ndërsa vetëm të dielën e kaluar në drejtim të Kosovës kanë hyrë mbi 22 mijë udhëtarë.
Deri në këto momente në pikën kufitare të Vërmicës gjatë sezonit turistik që ka filluar më 1 qershor janë shërbyer mbi 600 mijë udhëtarë.
