Pacolli e përjashtoi Gërbeshin me autoritarizëm

Prishtinë, 15 korrik- Një nga anëtarët e Kryesisë së Aleancës Kosova e Re është befasuar nga lajmi për përjashtimin e Emin Gërbeshit nga radhët e partisë. Kishte pritur krejt diçka tjetër. “Në fakt, pritja lajmin për dorëheqjen e ministres Kusari-Lila, sepse në parti është rritur antipatia ndaj saj, pas vendimit për taksën e çimentos së importuar”, ka thënë zyrtari i AKR-së, pa dashur t’i përmendej emri, shkruan sot Koha Ditore. Ndonëse është frikuar të flasë publikisht nga droja se do t’i hakmerret shefi i partisë, Behgjet Pacolli, ai ka shprehur bindjen se largimi i Gërbeshit nuk është bërë mbi bazën statusore të AKR-së. “Vendimi për largimin e Gërbeshit nga AKR-ja është thënë se është mbështetur në nenet 30 dhe 31 të statutit të partisë, por e vërteta është se këto dy nene i përcaktojnë përgjegjësitë e presidentit të partisë dhe asnjëri nuk ia jep të drejtën atij ta përjashtojë dikë, pa vendosur Kryesia e partisë”, ka thënë anëtari i Kryesisë së AKR-së.

Në nenin 30 të statutit të kësaj partie shprehimisht thuhet se presidenti i AKR-së është organi individual më i lartë i partisë, i cili realizon dhe zbaton vendimet e organeve përkatëse  të AKR-së.

“Por, Kryesia e as ndonjë organ tjetër nuk është mbledhur për të marrë vendim për Gërbeshin. Thjesht, presidenti ka vendosur me autoritarizëm”, ka thënë anëtari i Kryesisë së AKR-së.



(tekstin e plotë lexoni sot në Koha Ditore)

 

Komente (1)Shpërndaje artikullin

• 10:51BE-ja kërkon urgjentisht nisjen e zbatimit të Marrëveshjes
• 10:39Ministri Baçeviq: Marrëveshjen për Trepçën askush s’do ta ndryshojë
• 10:20Ministria e Rashiqit me dy projekte për punësimin e Ranillugasve
• 10:12Edhe Pozherani kërkon të bëhet komunë
• 10:08Zbulime të rëndësishme për malarien
• 10:06Rita ndërron ngjyrën e flokëve
• 10:05Gjinushi: Meta kryeministër? Më mirë Saliu
• 10:04‘Sharr-Cemin’ e pret gjoba
• 10:03Ende heshtet uzurpimi i 6 hektarëve të QKUK-së
• 10:02West Hami transferon Carrollin