Ligjvënësit u kërkojnë pesë shteteve të BE-së ta njohin Kosovën
Artikujt tjerė
- Ligjvënësit u kërkojnë pesë shteteve të BE-së ta njohin Kosovën
- Surroi: Dell krijues e shpërndarës i thashethemeve
- AAK e dënon sulmin ndaj Halil Matoshit
- Së shpejti edhe Grupi Punues për Liberalizimin e Vizave
- LDK kundërshton presonin kundër OEK
- Arritshmëria e nxënësve të klasave të nënta është 56.3 përqind
- Almhofer: Institucionet e pavarura përballen me shumë vështirësi
- Pakicat në rajon lakmojnë ato në Kosovë
- Holanda, mbështetëse e pakursyer e FSK-së
- KDI dënon sulmin ndaj publicistit Matoshi
Prishtinë, 11 korrik - Komisioni për Punë të Jashtme i Kuvendit të Republikës së Kosovës, në mbledhjen e sotme, të cilën e udhëhoqi kryetari Albin Kurti, ka diskutuar për letrën që do t’u dërgohet komisioneve homologe të shteteve anëtare të BE-së që nuk e kanë njohur pavarësinë e Kosovës, si dhe për mbikëqyrjen e zbatimit të Ligjit për Shërbimin e Jashtëm të Republikës së Kosovës.
Kryetari i komisionit prezantoi para anëtarëve të tjerë draftin e letrës, nëpërmjet të cilës u bëhej thirrje komisioneve homologe të këtyre pesë shteteve anëtare të Bashkimit Evropian që nuk e kanë njohur Kosovën, që të anojnë kah njohja e pavarësisë së Kosovës dhe të ndikojnë te qeveritë e tyre që ta bëjnë këtë.
Letra bën një pasqyrim të realitetit në Kosovë dhe përmban argumente për njohjen e pavarësisë.
Pas disa plotësimeve nga ana e anëtarëve të komisionit, u dakordua që letra t’u dërgohet komisioneve homologe.
Në këtë mbledhje u diskutua edhe lidhur me mbikëqyrjen e zbatimit të Ligjit për Shërbimin e Jashtëm të Republikës së Kosovës, në funksion të të cilës, instituti “Grupi për Studime Juridike dhe Politike”, i angazhuar nga komisioni, kishte përgatitur një raport vlerësues mbi përputhshmërinë ndërmjet akteve nënligjore dhe Ligjit për Shërbimin e Jashtëm. Raporti u prezantua nga përfaqësuesi i këtij instituti, Dren Doli, raporton Zyra për media dhe marrëdhënie me publikun e Kuvendit të Kosovës.
