Thaçi: Dorëheqja e Kuçit, standard i munguar në Kosovë

Tiranë, 24 qershor – Kryeministri i Kosovës, Hashim Thaçi, po qëndron për një vizitë zyrtare në Shqipëri. Ai është takuar me homologun e tij, Sali Berisha të cilit, siç ka thënë Thaçi e ka informuar për hapat që po ndërmerr Kosovë për përmbylljen me sukses të pavarësisë dhe për zbatimin e plotë të dokumentit të Ahtisarit. “Besoj se në 2 korrik do kemi përmbylljen e pavarësisë së mbikëqyrur të Kosovës dhe pastaj do t’i hapet rrugë liberalizimit të vizave dhe integrimit në NATO dhe Bashkimin evropian”- deklaroi kryeministri Thaçi. Ai ka falënderuar kryeministrin Berisha dhe institucionet shqiptare për mbështetjen që i kanë dhënë ndërtimit dhe konsolidimit të shtetit të Kosovës.  Ndërkaq kryeministri Berisha ka thënë se Kosova po përmbyll me sukses të plotë procesin e mbikëqyrjes së pavarësisë, e cila vjen si rezultat i një procesi të madh të zhvillimit dhe konsolidimit të shtetit ligjor. 

Kryeministri Thaçi deklaroi sot në Tiranë se dorëheqja e zv/ministrit Hajredin Kuçi është bërë për shkaqe morale. Sipas Thaçit ky veprim instalon në Kosovë një standard të ri.

“Ka qene debat që është përcjellë me opinione të ndryshme, me diçka të re në Kosovë. Kuçi, bashkëpunëtor imi i ngushtë dhe njeri i suksesshëm në qeverinë e Kosovës i ka dhënë opinionet e tjera. Ka ndodhur ajo që ka ndodhur në parlamentin e Kosovës. Zv ministri kishte bërë një deklaratë publike që potenconte se nëse kalonin 3 nene do të dorëhiqej. Unë  kërkova menjëherë që nenet 37 e 38 të riprocedohen në Kuvend. Kuçi me veprimin e tij ka instaluar një standard të munguar në Kosovë, atë moral të fjalës së dhënë. Ai do mbetet bashkëpunëtor imi i ngushtë”, tha Thaçi gjatë një konference për shtyp në Tiranë pas takimit me kryeministrin e Shqipërisë, Sali Berishën, , i pyetur rreth dorëheqjes së Hajredin Kuçit.

 

Komente (3)Shpërndaje artikullin

• 08:52Kosova ka ftesë, s’është konfirmuar pjesëmarrja në Ohër
• 08:46Kërkesa për rikthimin e vizave për disa vende të Ballkanit
• 08:34Thaçi e Daçiq sot në Bruksel për zbatimin e Marrveshjes
• 08:33Gjuha e urrejtjes etnike në Maqedoni, alarmante
• 22:33Serbët djegin flamurin e BE-së dhe të Kosovës
• 22:28Talibanët morën përgjegjësinë për sulmin vetëvrasës
• 22:25Rusia zbulon një sulm terrorist
• 22:20Sharif kërkon bisedime me talibanët
• 22:18Serbëve të veriut u intereson më shumë Vulini se Marrëveshja
• 22:16Edhe një seancë përkujtimore në Kuvend!