Doganat ende pa raport për maunet e bllokuara të “SharrCemit”
Artikujt tjerė
- Qeveria heq nenet 37, 38 e 39 të Kodit Penal, e riprocedon në Kuvend
- Reagojnë gazetarët: Cenim i rëndë i demokracisë dhe lirisë së mediave
- Jahjaga priti kreun e Misionit Faktmbledhës të BE-së
- Nedelkoviq: Serbët nuk e duan integrimin
- Hajredin Kuçi dha dorëheqje
- SBASHK-u dërgon në bregdetin shqiptar 255 mësimdhënës
- Policia rikujton: të shtënat në ahengje ndëshkohen
- Nesër - pjesa e dytë e maturës
- Vazhdojnë problemet me lëvizjen në veri
- Afaristët turq: Kemi obligim ndaj Kosovës
Prishtinë, 22 qershor - Doganat e Kosovës nuk kanë arritur t’i finalizojnë analizat e mostrave të marra nga maunet/cisternat e importuara nga “SharrCem”, për të treguar nëse kjo e fundit e ka shkelur vendimin e ministres së Tregtisë dhe të Industrisë që parasheh pagesën e një tarife prej 35 për qind në import të çimentos. Analizat e mostrave janë duke u bërë në laboratorin e Doganave të Kosovës, shkruan sot “Koha Ditore”.
“Analiza tarifore janë në fazën përfundimtare”, ka thënë Adriatik Stavileci, zëdhënës i Doganave të Kosovës. “Përveç këtyre mostrave do t’u shikohet edhe importi i kësaj kompanie që është bërë në 3 vjetët e fundit”, ka shtuar ai.
Doganat e Kosovës i kanë bllokuar 12 maune të cilat ishin importuar nga “SharrCemi” nga Maqedonia.
“Dogana i ka bllokuar 12 maune/cisterna me ‘klinker’, e cila përdoret si lëndë e parë për prodhimin e çimentos, për shkak se dyshohet se një pjesë prej tyre janë me çimento të gatshme”, ka thënë Adriatik Stavileci, zëdhënës i Doganave të Kosovës.
Nëse vërtetohen dyshimet e Doganës së Kosovës që “SharrCem” ka bërë kundërvajtje, atëherë kjo kompani do të jetë e para që shkel vendimin e Ministrisë së Tregtisë dhe të Industrisë, e i cili është marrë ekskluzivisht për mbrojtjen e kësaj kompanie që është e vetmja për prodhimin e çimentos.
Pas dyshimeve për kontrabandë kompania “SharrCem” e ka humbur besimin tek Doganat e Kosovës, të cilat kanë vendosur për pezullimin e procedurës së importit për këtë kompani.
“Doganat e Kosovës kësaj kompanie ia kanë pezulluar procedurën e importit. Kjo i bie që secila maune e kësaj kompanie duhet t’i nënshtrohet kontrollit dhe nuk do të aplikohen më procedura të thjeshtësuara”, ka thënë Stavileci.
