Fitou: Kushtëzimi i Kosovës për bisedimet me Serbinë, veprim normal

Prishtinë, 19 qershor - Ndërkombëtarët mbështesin zyrtarët e institucioneve të Kosovës që kushtëzojnë bisedimet me Serbinë deri në implementimin e marrëveshjeve të arritura në Bruksel. Ambasadori francez në Kosovë, Jean-François Fitou ka thënë se ky kushtëzim nuk përbën agresion por është veprim normal sepse marrëveshjet që arrihen duhen implementuar.“Mendoj se është normale të kërkosh që marrëveshjet të implementohen. Madje kjo ka shumë kuptim. Nuk është ndonjë gjë agresive apo ofenduese. Kur nënshkruan marrëveshje duhet ta implementosh atë dhe kjo është normale në diplomaci”, ka thënë Fitou për portalin Dukagjini.

Madje, ambasadori francez thotë se gjatë vizitës së fundit në Bruksel, presidenti serb, Tomislav Nikoliq është njoftuar për përmbajtjen e marrëveshjeve të arritura dhe tani nuk duhet të ketë vend për keqinterpretim.

“Duket se Nikoliq ka kërkuar interpretimin e BE-së për marrëveshjet e arritura në Bruksel në mënyrë që Serbia t’i implementojë marrëveshjet të tilla, siç janë arritur, pra të kuptohen në të njëjtën mënyrë nga të gjithë dhe kjo mendoj se është një hap pozitiv”, theksoi Fitou.

Ai ka shtuar se vizita e Nikoliqit në Bruksel është një hap tutje për qartësimin e marrëveshjeve dhe implementimin e tyre nga ana e Serbisë.

 

Komente (1)Shpërndaje artikullin

• 22:33Barka “zbarkon” në mes të autostradës
• 22:28Giffoni premton rrugë për nxënësit e Mihirit
• 22:12Daçiqi konfirmon dakordimin, “më shumë punë e pret Prishtinën”
• 21:53Tre të arrestuar për falsifikim parash
• 21:46Promovohet libri “Utopia reale” e I. Berishës
• 21:43Reshje shiu, deri të dielën
• 21:32“Shqiponjës” i merren dy arinj të murrmë (Video)
• 21:29Në “Lutjet e mëngjesit”, përfaqësues të mbi 30 shteteve
• 21:07Sondazh, LDK-ja ulë ngecjen prapa PDK-së
• 20:58Magjistralja Prishtinë-Mitrovicë, me 20 milionë dollarë të BIZH-it